FreeBSD нь тодорхой хөтөч урьдчилан суулгагдсан байдаггүй. Харин Портын цуглуулгын www сан суулгахад бэлэн олон хөтчүүдийг агуулдаг. Танд бүгдийг эмхэтгэх хугацаа байхгүй бол (энэ нь зарим тохиолдолд маш их хугацаа шаардаж болно) тэдгээрийн олонхи нь багц хэлбэрээр байдаг.
KDE болон GNOME нь HTML хөтчүүдээр хангадаг. Эдгээр бүрэн гүйцэд ширээний програмуудыг хэрхэн суулгаж тохируулах талаар дэлгэрэнгүй мэдээллийг Хэсэг 6.7-с лавлана уу.
Хэрэв та хөнгөн чанарын хөтчүүдийг хайж байгаа бол Портын цуглуулгаас www/dillo2, www/links, эсвэл www/w3m зэргүүдийг судалж үзэх хэрэгтэй.
Энэ хэсэг эдгээр програмуудыг авч үзэх болно:
| Програмын нэр | Шаардлагатай эх үүсвэрүүд | Портоос суулгах | Гол хамаарлууд |
|---|---|---|---|
| Firefox | дунд зэрэг | хүнд | Gtk+ |
| Opera | бага | хөнгөн | FreeBSD болон Линуксийн хувилбарууд байдаг. Линуксийн хувилбар нь Линуксийн хоёртын нийцтэй байдал болон linux-openmotif-с хамаардаг. |
| Konqueror | дунд зэрэг | хүнд | KDE сангууд |
| Chromium | дунд зэрэг | дунд зэрэг | Gtk+ |
Firefox нь FreeBSD рүү бүрэн порт хийгдсэн орчин үеийн, чөлөөтэй, нээлттэй эхийн тогтвортой хөтөч юм. Энэ нь стандартыг хангасан HTML үзүүлэх хэсэг, tab нээж ажиллах боломж, popup хаалт, өргөтгөлүүд, сайжруулсан аюулгүй байдал зэрэг олон боломжуудтай. Firefox нь Mozilla-ийн код дээр суурилжээ.
Firefox нь Mozilla-ийн код дээр суурилсан дараагийн үеийн хөтөч юм. Mozilla нь хөтөч, захидлын клиент, чалчих клиент зэрэг олон програмуудыг багтаасан бүрэн гүйцэд програмуудын цуглуулга юм. Firefox нь зөвхөн хөтөч бөгөөд энэ нь түүнийг илүү жижиг, хурдан болгодог байна.
Доор дурдсаныг бичин багцыг суулгана:
# pkg_add -r firefox
Энэ нь Firefox-н хамгийн сүүлийн хувилбарыг суулгах бөгөөд та хэрэв Firefox-н Extended Support Release (ESR) хувилбарыг ашиглахыг хүсэж байвал доорхийг ажиллуулаарай:
# pkg_add -r firefox-esr
Эх кодоос эмхэтгэхийг та илүүд үзэж байгаа бол Портын цуглуулгыг бас ашиглаж болох юм:
# cd /usr/ports/www/firefox # make install clean
Firefox ESR-ийн хувьд өмнөх тушаал дээрх firefox-ийг firefox-esr-аар солиорой.
Тэмдэглэл: Энэ хэсэгт болон дараагийн хоёр хэсэгт бид таныг Firefox-г аль хэдийн суулгасан гэж тооцох болно.
OpenJDK 6-г Портын цуглуулгаас дараах тушаалаар суулгана:
# cd /usr/ports/java/openjdk6 # make install clean
Дараа нь java/icedtea-web портыг суулгана:
# cd /usr/ports/java/icedtea-web # make install clean
Аль алиных нь хувьд анхдагч тохиргоог хадгалахаа мартуузай.
Хөтчөө эхлүүлээд байршил бичих хэсэгт about:plugins гэж бичээд Enter дарна. Суулгагдсан залгаасуудын жагсаалт бүхий хуудас дэлгэцэд гарна. Java™ залгаас тэр жагсаалтад одоо байх ёстой.
Хэрэв хөтөч залгаасыг олохгүй байгаа бол хэрэглэгч бүр дараах тушаалыг ажиллуулж хөтчийг дахин эхлүүлэх шаардлагатай:
% ln -s /usr/local/lib/IcedTeaPlugin.so \ $HOME/.mozilla/plugins/
Adobe® Flash™ залгаас нь FreeBSD-д байдаггүй. Гэхдээ залгаасын Линукс хувилбарыг ажиллуулах програм хангамжийн давхарга (гүйцэтгэл хялбаршуулагч) байдаг. Энэ хялбаршуулагч нь бас Adobe Acrobat® залгаас, RealPlayer® залгаас болон өөр олныг дэмждэг.
Таны ашиглаж байгаа FreeBSD-ийн хувилбараас хамаараад төрөл бүрийн алхмууд шаардлагатай:
FreeBSD 7.X-ийн хувьд
www/nspluginwrapper порт суулгана. Уг порт нь emulators/linux_base-fc4 портыг шаардах бөгөөд энэ нь том порт юм.
Дараагийн алхам нь www/linux-flashplugin9 портыг суулгах явдал юм. Энэ нь Flash 9.X-ийг суулгана. Энэ хувилбар нь FreeBSD 7.X дээр зөв ажилладаг.
FreeBSD 8.X болон түүнээс хойшхийн хувьд
www/nspluginwrapper порт суулгана. Уг порт нь emulators/linux_base-f10 портыг шаардах бөгөөд энэ нь том порт юм.
Дараагийн алхам нь Flash 11.X-г www/linux-f10-flashplugin11 портоос суулгах явдал юм.
Энэ хувилбар нь дараах холбоосыг үүсгэхийг шаарддаг:
# ln -s /usr/local/lib/npapi/linux-f10-flashplugin/libflashplayer.so \ /usr/local/lib/browser_plugins/
Хэрэв /usr/local/lib/browser_plugins сан систем дээр байхгүй бол гараар үүсгэж өгөх хэрэгтэй.
Таны ажиллуулж байгаа FreeBSD-ийн хувилбарт таарсан зөв Flash порт суулгагдсаны дараа залгаасыг хэрэглэгч бүрийн хувьд nspluginwrapper тушаал ашиглан суулгах шаардлагатай:
% nspluginwrapper -v -a -i
Тэгээд өөрийн хөтчийг эхлүүлж байрлал оруулдаг мөрөнд about:plugins гэж бичин Enter дарна. Байгаа бүх залгаасуудтай жагсаалт гарч ирэх ёстой.
Swfdec нь Flash анимацыг задалж амилуулах сан юм. Swfdec-Mozilla нь SWF файлуудыг тоглуулахын тулд Swfdec санг ашигладаг бөгөөд Firefox хөтчид зориулагдсан залгаас юм. Энэ нь хүчтэй хөгжүүлэлтийн доор оршсон хэвээр байгаа болно.
Хэрэв та бүтээж чадахгүй эсвэл хүсэхгүй байгаа бол сүлжээнээс багцыг суулгаж болно:
# pkg_add -r swfdec-plugin
Хэрэв багц байхгүй бол та үүнийг Портын цуглуулгаас бүтээн суулгаж болно:
# cd /usr/ports/www/swfdec-plugin # make install clean
Дараа нь энэ залгаасыг идэвхжүүлэхийн тулд өөрийн хөтчийг дахин ажиллуулаарай.
Opera нь өргөн боломжуудтай стандартад нийцсэн хөтөч юм. Энэ нь өөртөө бүтээгдсэн захидал болон мэдээ уншигч, IRC клиент, RSS/Atom уншигч болон өөр олон боломжуудыг агуулдаг. Эдгээрээс гадна Opera нь харьцангуй хөнгөн бөгөөд маш хурдан юм. Энэ нь хоёр хэлбэрээр байдаг нь: “эх” FreeBSD хувилбар болон Линуксийн эмуляц дээр ажилладаг хувилбар юм.
Opera-ийн FreeBSD хувилбараар вэб үзэхийн тулд багцыг суулгана:
# pkg_add -r opera
Зарим нэг FTP сайтуудад бүх багцууд байдаггүй боловч Портын цуглуулгыг ашиглан доор дурдсаныг бичин Opera-г авч болно:
# cd /usr/ports/www/opera # make install clean
Opera-ийн Линукс хувилбарыг суулгахын тулд дээрх жишээний opera гэсний оронд linux-opera гэж солих хэрэгтэй.
Adobe Flash залгаас нь FreeBSD дээр байдаггүй. Гэхдээ залгаасын Linux® хувилбар байдаг. Энэ хувилбарыг суулгахын тулд www/linux-f10-flashplugin11 порт суусан байх шаардлагатай бөгөөд дараа нь www/opera-linuxplugins порт суулгана:
# cd /usr/ports/www/linux-f10-flashplugin11 # make install clean # cd /usr/ports/www/opera-linuxplugins # make install clean
Залгаас суусан байгаа эсэхийг шалгахын тулд хөтчөө эхлүүлээд opera:plugins гэж байрлал бичдэг мөрөнд бичээд Enter дарна. Суусан байгаа залгаасуудын жагсаалт гарч ирэх ёстой.
Java залгаасыг суулгахын тулд Firefox-д зориулсан зааврыг дагаарай.
Konqueror нь KDE-ийн нэг хэсэг боловч үүнийг KDE-ийн гадна талд x11/kdebase3-ийг суулган бас ашиглаж болох юм. Konqueror ердийн нэг хөтчөөс илүү бөгөөд файлын менежер болон мультимедиа үзүүлэгч болж чаддаг.
Konqueror нь бас залгаасуудын олонлогтой ирдэг бөгөөд эдгээрийг misc/konq-plugins сангаас суулгах боломжтой байдаг.
Konqueror нь WebKit болон өөрийн KHTML-г дэмждэг. WebKit нь Chromium зэрэг орчин үеийн олон хөтчүүдэд ашиглагддаг. WebKit-г FreeBSD дээр Konqueror-тай ашиглахын тулд:
# cd /usr/ports/www/kwebkitpart # make install clean
Дараа нь Konqueror дээрээ “Settings”, “Configure Konqueror” дарж “Change KHTML to WebKit” гэдгийг сонгоно.
Konqueror бас Flash-г дэмждэг бөгөөд Konqueror дээр Flash-ийн дэмжлэгтэй болох талаар “Хэрхэн Хийх” заавар нь http://freebsd.kde.org/howtos/konqueror-flash.php хаягт байдаг.
Chromium нь нээлттэй эхийн аюулгүй, хурдан илүү тогтвортой вэб үзэх боломж олгодог вэб хөтчийн төсөл юм. Chromium нь таб хөтчийн боломж, цонх блоклох, өргөтгөлүүд болон илүү олон боломжийг агуулдаг. Chromium нь нээлттэй эхийн төсөл бөгөөд Google Chrome вэб хөтөч түүн дээр тулгуурласан байдаг.
Chromium-г багц хэлбэрээр ингэж суулгаж болно:
# pkg_add -r chromium
Мөн Chromium-г портын цуглуулгаас эх кодыг ашиглан бүтээж болно:
# cd /usr/ports/www/chromium # make install clean
Тэмдэглэл: Chromium нь /usr/local/bin/chromium биш харин /usr/local/bin/chrome гэж суудаг.
Тэмдэглэл: Энэ хэсэг Chromium аль хэдийн суусан гэж үздэг.
OpenJDK 6-г портын цуглуулгаас суулгана:
# cd /usr/ports/java/openjdk6 # make install clean
Дараа нь java/icedtea-web-г портын цуглуулгаас суулгана:
# cd /usr/ports/java/icedtea-web # make install clean
Chromium-г эхлүүлж хаягийн цонхон дээр about:plugins гэж бичнэ. IcedTea-Web нь суулгасан залгаасууд дотор харагдах ёстой.
Хэрэв Chromium нь IcedTea-Web залгаасыг харуулахгүй байгаа бол дараах тушаалыг ажиллуулж вэб хөтчийг дахин эхлүүлнэ:
# mkdir -p /usr/local/share/chromium/plugins # ln -s /usr/local/lib/IcedTeaPlugin.so \ /usr/local/share/chromium/plugins/
Тэмдэглэл: Энэ хэсэг Chromium аль хэдийн суусан гэж үздэг.
Chromium ба Adobe Flash-г тохируулах нь Firefox-н заавартай төстэй. Adobe Flash-г FreeBSD дээр суулгах талаар илүү дэлгэрэнгүйг тэр хэсгээс үзээрэй. Chromium нь бусад хөтчийн зарим залгаасуудыг ашиглаж чаддаг болохоор илүү нэмэлт тохиргоо шаардлагагүй.
Энэ болон бусад баримтуудыг ftp://ftp.FreeBSD.org/pub/FreeBSD/doc/ хаягаас татаж авч болно.
FreeBSD-ийн талаар <questions@FreeBSD.org> хаягтай
холбоо барихаасаа өмнө баримтыг уншина уу.
Энэ бичиг баримттай холбоотой асуулт байвал <doc@FreeBSD.org> хаягаар цахим
захидал явуулна уу.
Энэ бичиг баримтын орчуулгатай холбоотой асуулт
байвал <admin@mnbsd.org>
хаягаар цахим захидал явуулна уу.